"Barselona" klubi himoyachisi Jerar Martin Chempionlar ligasi doirasida "PSJ"ga qarshi o‘tkaziladigan muhim bahsda ishtirok etishga tayyorgarlik ko‘rmoqda. Bu haqda Euro-football.ru xabar berdi.
Eslatib o‘tamiz, 24 yoshli futbolchi Ispaniya La Ligasining o‘tgan hafta oxirida bo‘lib o‘tgan "Betis"ga qarshi uchrashuvida jarohat olgan edi. O‘yin davomida og‘riqli zarba qabul qilib olgan himoyachi tanaffus vaqtida zaxiraga olingandi.
"Sport" nashri tarqatgan ma’lumotlarga ko‘ra, futbolchi dushanba kuni mashg‘ulotlarda to‘liq hajmda ishtirok etgan va hech qanday noqulaylik sezmagan. Bu holat bosh murabbiy Xans-Diter Flik uni Parijdagi bahsda asosiy tarkibda maydonga tushirish ehtimoli yuqoriligidan dalolat beradi.
Garchi ispaniyalik futbolchi hali hamon yengil diskomfortni his qilayotgan bo‘lsa-da, uning jismoniy holati tez sur’atlar bilan yaxshilanmoqda. Murabbiylar shtabi yakuniy qarorni o‘yindan oldingi so‘nggi ko‘rikdan so‘ng qabul qiladi.
"Barselona" va "PSJ" o‘rtasidagi prinsipial qarama-qarshilik seshanba kuni bo‘lib o‘tadi. Uchrashuv Toshkent vaqti bilan soat 00:00 da start oladi.
Kataloniyaliklar ushbu safar o‘yinida ijobiy natija qayd etish uchun barcha imkoniyatlarni ishga solishlari kutilmoqda.
Izohlar
0