Angliya va Fransiya bronza medali uchun turlicha kayfiyatda tayyorlanmoqda

Jahon chempionatining uchinchi o‘rin uchun kechadigan bahsi arafasida Angliya va Fransiya terma jamoalari qarorgohida turlicha ruhiy holat kuzatilmoqda. Bu haqda Zamin.uz xabar berdi.

Fransiyalik futbolchilar mazkur uchrashuvni ortiqcha ishtiyoqsiz, ko‘proq rasmiy majburiyat sifatida qabul qilayotgan bo‘lsa, Tomas Tuxel boshchiligidagi Angliya terma jamoasi a’zolari uchun ushbu o‘yin alohida ahamiyat kasb etadi. Inglizlar ushbu bahsda g‘alaba qozonib, so‘nggi 60 yillikdagi eng yuqori natijani qayd etishni va o‘z tarixlarida yangi sahifa ochishni maqsad qilishgan.

Shu bilan birga, Fransiya tomonida ham o‘yinga nisbatan yashirin motivatsiya mavjud. Mazkur uchrashuv tajribali mutaxassis Dide Desham uchun milliy terma jamoa bosh murabbiyi sifatidagi faoliyatiga yakun yasaydigan so‘nggi bellashuv bo‘lishi kutilmoqda.

Shu sababli, har ikki jamoa ham maydonga o‘ziga xos maqsadlar bilan chiqishi hamda yakuniy hisob uchun qat’iy harakat qilishi shubhasiz. O‘yin natijasi jamoalarning ushbu psixologik holatiga qanchalik bog‘liqligini yaqin soatlarda bilib olamiz.