Saudiya Arabistoni futbol chempionatining amaldagi gʻolibi Al-Hilal klubi yozgi transferlar mavsumidagi ilk salmoqli xaridini amalga oshirish arafasida turibdi. Bu haqda Zamin.uz xabar berdi.
Manbalarga koʻra, Ar-Riyod jamoasi Angliyaning Vest Xem United klubi vakili, qanot hujumchisi Crysencio Summerville bilan muzokaralarni yakuniy bosqichga olib chiqdi. Futbolchining yaqin vaqt ichida Saudiya Arabistoni poytaxtiga koʻchib oʻtishi va klub bilan shartnoma imzolashi kutilmoqda.
Goal.com nashri tarqatgan maʼlumotlarga koʻra, mazkur bitim nafaqat Al-Hilal jamoasining tarkibini kuchaytiradi, balki butun Saudiya Pro-ligasi uchun oʻziga xos moliyaviy ahamiyat kasb etuvchi muhim voqelik boʻlishi kutilmoqda. Transfer summasi va shartnomaning boshqa shartlari borasida tomonlar oʻzaro kelishuvga erishgan boʻlib, rasmiy eʼlon qilinishi qolgan texnik masalalar hal etilgach amalga oshiriladi.
Klub rahbariyati ushbu transfer orqali yangi mavsum oldidan tarkibni sifatli futbolchilar bilan toʻldirish strategiyasini davom ettirmoqda.
