O'zbekiston milliy terma jamoasi va Manchester Siti klubi himoyachisi Abduqodir Husanovning professional faoliyatida yaqin kelajakda jiddiy o'zgarishlar yuz berishi kutilmoqda. Bu haqda Zamin.uz xabar berdi.
Ayni damda Angliya chempioni safida barqaror o'yin ko'rsatayotgan 22 yoshli markaziy himoyachi Yevropaning nufuzli va yetakchi jamoalari kuzatuvi ostida qoldi. Futbolchi ko'rsatayotgan yuqori darajadagi o'yinlar hamda uning himoyadagi ishonchli harakatlari transfer bozoridagi xaridorlarning qiziqishini yanada oshirmoqda.
Ushbu vaziyatga Manchester Siti atrofida yuzaga kelgan murakkab holatlar ham o'z ta'sirini o'tkazmoqda. Xususan, klubga nisbatan moliyaviy qoidabuzarliklar bo'yicha olib borilayotgan tekshiruvlar va ularning yakuni bo'yicha kutilayotgan ehtimoliy jazo choralari jamoa kelajagi borasida turli savollarni tug'dirmoqda.
Manchester Siti tarkibida yuz berishi mumkin bo'lgan kadrlar o'zgarishi yoki jamoaning kelgusi mavsumlardagi rejalaridagi noaniqliklar Abduqodir Husanovning boshqa grand klublar e'tiborini tortishiga sabab bo'lmoqda. Mutaxassislar ushbu yosh himoyachining Yevropa futbolidagi nufuzli loyihalarda o'zini sinab ko'rishi uchun qulay imkoniyat tug'ilayotganini qayd etishmoqda.
Izohlar
0