O‘zbekiston Respublikasi Prezidenti Shavkat Mirziyoyev mamlakatimizda rasmiy tashrif bilan bo‘lib turgan Amerika Qo‘shma Shtatlari Davlat kotibi Marko Rubiuni qabul qildi. Bu haqda Zamin.uz xabar berdi.
Muzokaralar boshlanishida davlat rahbari oliy martabali mehmonni samimiy kutib olar ekan, ushbu tashrif ikki mamlakat o‘rtasidagi hamkorlik aloqalarida mutlaqo yangi va tarixiy bosqichni boshlab berishini alohida e’tirof etdi. Tomonlar muloqot davomida O‘zbekiston hamda AQSH o‘rtasidagi strategik sheriklikni yanada mustahkamlash, siyosiy, iqtisodiy va madaniy-gumanitar sohalardagi aloqalarni sifat jihatidan yangi pog‘onaga olib chiqish masalalariga to‘xtalib o‘tdilar.
Prezident Shavkat Mirziyoyev mazkur uchrashuv o‘zaro manfaatli hamkorlikni kengaytirish hamda mintaqaviy barqarorlikni ta’minlash borasidagi sa’y-harakatlarni muvofiqlashtirish uchun muhim platforma bo‘lib xizmat qilishiga ishonch bildirdi. O‘z navbatida, Davlat kotibi Marko Rubio samimiy qabul uchun minnatdorlik bildirib, Amerika Qo‘shma Shtatlari O‘zbekiston bilan ko‘p qirrali munosabatlarni rivojlantirishga alohida ahamiyat qaratishini ta’kidladi.
Uchrashuv yakunida tomonlar ikki davlat manfaatlariga xizmat qiladigan loyihalarni amalga oshirish bo‘yicha o‘zaro fikr almashdilar.
Izohlar
0