Turkmanistonning Turkmanboshi shahrida o‘tkazilgan Tatar qizi — 2026 xalqaro tanlovi yakunlariga ko‘ra, o‘zbekistonlik Amina Mahmudova g‘olib deb topildi. Bu haqda Zamin.uz xabar berdi.
Mazkur nufuzli musobaqada o‘z mahoratini namoyish etgan 12 nafar ishtirokchi bosh sovrin uchun murosasiz bahs olib bordi. Yakuniy natijalarga ko‘ra, hakamlar hay’ati qarori bilan Amina Mahmudova eng yuqori o‘rinni egalladi.
G‘olibga tanlovning bosh sovrini bo‘lgan ZEEKR rusumli avtomobil topshirildi. Mukofotni tantanali ravishda topshirish marosimi Turkmaniston prezidenti Serdar Berdimuhamedov nomidan amalga oshirildi.
Xalqaro miqyosda tashkil etilgan ushbu tadbir ishtirokchilarning madaniy salohiyatini namoyish etish va xalqlar o‘rtasidagi do‘stona aloqalarni mustahkamlashga qaratilgani bilan ahamiyatlidir. Tanlov jarayonida qatnashchilar o‘zlarining ijodiy chiqishlari, milliy an’analarga oid bilimdonliklari hamda intellektual salohiyatlarini namoyish etishdi.
Yakunda eng yuqori ko‘rsatkichni qayd etgan hamyurtimiz musobaqaning mutlaq g‘olibiga aylandi. Ushbu muvaffaqiyat o‘zbekistonlik yoshlarning xalqaro maydonlarda erishayotgan yutuqlari qatorini to‘ldirdi.
Izohlar
0