O‘zbek tiliga qirq bir yangi atama rasman qabul qilindi

Vazirlar Mahkamasi huzuridagi Atamalar komissiyasi tomonidan o‘zbek tilidagi terminologiyani tartibga solish borasida muhim qaror qabul qilindi. Bu haqda Zamin.uz xabar berdi.

Unga ko‘ra, xorijiy tillardan kirib kelgan 41 ta atama uchun rasmiy o‘zbekcha muqobillar ishlab chiqildi va tasdiqlandi. Ushbu chora-tadbirlar davlat boshqaruvi, rasmiy ish yuritish, ommaviy axborot vositalari hamda boshqa jamoatchilik sohalarida yagona terminologik tizimni shakllantirishga qaratilgan.

Komissiya vakillarining ta’kidlashicha, mazkur atamalar amaliyotga bosqichma-bosqich joriy etiladi va bu jarayon o‘zbek tilining imlo qoidalari hamda uslubiy me’yorlariga to‘liq mos kelishi ta’minlanadi. Yangi tasdiqlangan atamalar rasmiy hujjatlarda va davlat idoralari hujjatlarida qo‘llanilishi orqali tilimizdagi atamalar bazasini boyitish va ularni birxillashtirish ko‘zda tutilgan.

Ushbu yangilik o‘zbek tilining davlat tili sifatidagi mavqeini mustahkamlash va sohalararo muloqotda aniqlikni ta’minlashga xizmat qiladi. Kelgusida mazkur atamalardan foydalanish borasida tegishli tavsiyalar hamda qo‘llanmalar ham e’lon qilinishi kutilmoqda.