Toshkent shahrida O‘zbekiston va Hindiston o‘rtasidagi ikki tomonlama aloqalarni yangi bosqichga olib chiqishga qaratilgan muhim siyosiy tadbir bo‘lib o‘tdi. Bu haqda Zamin.uz xabar berdi.
Hindiston Respublikasi Bosh vaziri Narendra Modi davlat tashrifi bilan O‘zbekistonga yetib keldi. Ko‘ksaroy qarorgohida oliy martabali mehmonni tantanali kutib olish marosimi tashkil etildi.
Hindiston hukumat rahbarini O‘zbekiston Respublikasi Prezidenti Shavkat Mirziyoyev shaxsan kutib oldi. Davlat rahbarlari ishtirokidagi mazkur tashrif ikki mamlakat o‘rtasidagi strategik sheriklikni yanada mustahkamlash, savdo-iqtisodiy, madaniy-gumanitar hamda siyosiy sohalardagi hamkorlikni kengaytirish uchun zamin yaratadi.
Tantanali kutib olish qismidan so‘ng, tomonlar oliy darajadagi muzokaralarni boshlashdi. Uchrashuv davomida mintaqaviy xavfsizlik masalalari, xalqaro maydondagi o‘zaro manfaatli hamkorlik hamda ikki davlat o‘rtasidagi aloqalarni rivojlantirishning istiqbolli yo‘nalishlari muhokama qilinishi rejalashtirilgan.
Mazkur tashrif O‘zbekiston va Hindiston o‘rtasidagi uzoq yillik do‘stona rishtalarni yangi mazmun bilan boyitishga xizmat qiladi.
Izohlar
0