YouTube suniy intellekt orqali yaratilgan sifatsiz kontentga cheklov o‘rnatdi

YouTube video platformasi suniy intellekt texnologiyalari vositasida tayyorlangan past sifatli hamda takrorlanuvchi kontentlarga nisbatan qatʼiy cheklovlar o‘rnatdi. Bu haqda Zamin.uz xabar berdi.

Kompaniya o‘zining monetizatsiya siyosatini qayta ko‘rib chiqib, foyda olish maqsadida avtomatlashtirilgan tarzda ommaviy ishlab chiqariladigan va platformada AI-slop deb ataluvchi mazmunsiz raqamli mahsulotlarga qarshi kurash boshlanganini maʼlum qildi. Mazkur yangilik foydalanuvchilar uchun taqdim etilayotgan axborot sifati va haqiqiyligini saqlab qolishga qaratilgan muhim qadam hisoblanadi.

Platforma maʼmuriyatining bildirishicha, endilikda suniy intellekt orqali yaratilgan, biroq foydalanuvchilar uchun hech qanday qiymat kasb etmaydigan yoki boshqa videolarni qisman takrorlaydigan materiallar daromad olish huquqidan mahrum etiladi. Ushbu chora-tadbirlar platformadagi ijodiy muhitni sog‘lomlashtirish hamda tomoshabinlar vaqtini qadrlash maqsadida amalga oshirilmoqda.

YouTube mutaxassislari ushbu yangilangan qoidalar orqali mualliflik huquqini himoya qilish va noo‘rin texnologik aralashuvlarning oldini olishni maqsad qilgan. Kelgusida mazkur siyosatning ijrosi suniy intellekt algoritmlari yordamida doimiy monitoring qilib boriladi, bu esa platformadagi kontentlar sifatini oshirishga xizmat qiladi.