Stripe va Advent PayPal kompaniyasini sotib olishni rejalashtirmoqda

Raqamli to‘lov tizimlari bozorida global miqyosdagi yirik bitim amalga oshishi kutilmoqda. Bu haqda Zamin.uz xabar berdi.

Xalqaro axborot agentliklari va Techcrunch.com nashrining ma’lum qilishicha, Stripe kompaniyasi hamda Advent International xususiy investitsiya firmasi hamkorlikda PayPal elektron to‘lov tizimini sotib olish yuzasidan rasmiy taklif bilan chiqqan. Ushbu tranzaksiya moliya texnologiyalari sanoatidagi eng katta va muhim o‘zgarishlardan biri sifatida baholanmoqda.

Mutaxassislarning dastlabki hisob-kitoblariga ko‘ra, mazkur kelishuvning umumiy qiymati 53,4 milliard dollarni tashkil etishi mumkin. Agar tomonlar yakuniy to‘xtamga kelsa, bu moliyaviy sektor tarixidagi eng yirik sotib olish operatsiyalaridan biriga aylanadi.

Hozircha tomonlar bitimning tafsilotlari va uning yakunlanish muddatlari bo‘yicha aniq bayonot bermagan bo‘lsa-da, bozor kuzatuvchilari ushbu jarayonni diqqat bilan tahlil qilmoqdalar. Reuters agentligi xabariga ko‘ra, mazkur tashabbus elektron tijorat va raqamli to‘lovlar infratuzilmasini qayta shakllantirishga qodir.

Investorlar va tahlilchilar kelishuvning tartibga soluvchi organlar tomonidan ma’qullanishi hamda uning bozor raqobatiga ta’sirini kutishmoqda.