Google yangi dasturiy kodlarning 75 foizini sun'iy intellekt yordamida yaratmoqda
Google korporatsiyasi ichki tizimidagi yangi dasturiy kodlarning to'rtdan uch qismi endilikda sun'iy intellekt tomonidan generatsiya qilinayotganini e'lon qildi. Bu haqda Zamin.uz xabar berdi. Mazkur jarayonda yaratilgan kodlar yakuniy bosqichda kompaniya muhandislari tomonidan majburiy tekshiruvdan o'tkaziladi. Devby.io nashrining xabar berishicha, ushbu yo'nalishda keskin o'sish kuzatilgan: 2024 yil oktyabr oyida sun'iy intellekt ulushi 25 foizni tashkil etgan bo'lsa, 2025 yil kuziga kelib bu ko'rsatkich 50 foizga yetgan edi.
Sundar Pichai kompaniya ish jarayonlarini agentli modellarga moslab qayta qurayotganini ma'lum qildi. Rahbarning ta'kidlashicha, sun'iy intellekt va muhandislar hamkorligi tufayli murakkab kod migratsiyasi jarayoni bir yil oldingi natijalardan olti barobar tezroq bajarilmoqda.
Hozirda dasturchilar kod yozishda Gemini modellaridan foydalanmoqda. Shu bilan birga, xodimlarning samaradorligini baholashda sun'iy intellekt bilan ishlash ko'nikmasi asosiy mezon etib belgilangan.
Biroq texnologik jarayonlar ichki kelishmovchiliklardan xoli emas. Google DeepMind xodimlarining bir qismi raqobatchi Claude Code vositasidan foydalangani jamoa ichida bahslarga sabab bo'ldi.
Boshqa texnologik gigantlar ham ushbu trendga qo'shilmoqda. Satya Nadella Microsoft loyihalarida kodning 30 foizi sun'iy intellekt hissasiga to'g'ri kelishini aytsa, Kevin Skott besh yil ichida bu raqam 95 foizga yetishini taxmin qilmoqda.
Meta kompaniyasi esa 2026 yilga borib muhandislik ishlarining 75 foizidan ortig'ini avtomatlashtirishni rejalashtirgan.
