O‘zbekiston ishbilarmonlik muhitini yanada takomillashtirish va investitsiyaviy jozibadorlikni oshirish maqsadida biznes subyektlari hamda davlat idoralari o‘rtasidagi munosabatlarni tartibga soluvchi huquqiy mexanizmlar yangilandi. Bu haqda Zamin.uz xabar berdi.
Tadbirkorlarning huquq va manfaatlarini himoya qilishni ko‘zda tutuvchi yetti ta tayanch tamoyil endilikda qonunchilik darajasida mustahkamlab qo‘yildi. Mazkur yangiliklar «Tadbirkorlik faoliyati erkinligining kafolatlari to‘g‘risida»gi qonunga kiritilgan tegishli o‘zgartirish va qo‘shimchalar doirasida amalga oshirildi.
Qonunchilik bazasini boyitish maqsadida hujjatga 31-moddadan 38-moddagacha bo‘lgan yangi normalar kiritildi. Ushbu yangi moddalar tadbirkorlik faoliyatiga davlat organlarining asossiz aralashuvini cheklash hamda huquqiy himoyani kuchaytirishga qaratilgan.
Xususan, qonuniylik tamoyili davlat idoralari o‘z faoliyatida qat’iy ravishda qonun talablariga rioya etishini va tadbirkorlar manfaatlarini kamsitmaslikni taqozo etadi. Mazkur jarayon biznes vakillarining davlat organlari bilan bo‘lgan munosabatlarida shaffoflik va o‘zaro ishonchni ta’minlash, shuningdek, huquqiy barqarorlikni kafolatlashga xizmat qiladi.
Ushbu qadamlar xususiy sektor rivojlanishi uchun yanada qulay sharoitlar yaratish bosqichi sifatida baholanmoqda.
Izohlar
0