Xitoylik jang san’ati ustasi Chjan Lunsyan yigirma yildan ziyod vaqt mobaynida qadimiy Temir qum kaft deb nomlanuvchi murakkab kun-fu texnikasini mukammallashtirib kelmoqda. Bu haqda Zamin.uz xabar berdi.
Ayni vaqtda 53 yoshni qarshilagan ushbu sportchi o‘ziga xos jismoniy xususiyatlari bilan ajralib turadi. Ko‘p yillik tinimsiz mashg‘ulotlar va o‘ta mashaqqatli tayyorgarlik jarayonlari uning kaftlari tuzilishiga sezilarli ta’sir ko‘rsatgan.
Xususan, ustozning o‘ng kafti qalinligi bugungi kunda 8 santimetrga yetgan bo‘lib, bu ko‘rsatkich oddiy yoshdagi erkaklar fiziologik holatidan keskin farq qiladi. Chjan Lunsyan erishgan mazkur natija uning qat’iyati va uzoq yillar davomida o‘zlashtirgan an’anaviy jang san’ati uslublarining amaliy samarasi sifatida baholanmoqda.
Uning tanasidagi bunday o‘zgarishlar maxsus mashqlar tizimi orqali suyak va to‘qimalarni chiniqtirish natijasida shakllangan bo‘lib, ushbu jarayon yuqori darajadagi chidamlilik va uzoq yillik izchil mehnatni talab etadi.
Izohlar
0