AQSH Prezidenti Donald Tramp 27 avgust kuni Shimoliy Amerikaning yirik suv havzalaridan biri hisoblangan Ontario ko‘lini rasman Amerika ko‘li deb qayta nomlash to‘g‘risidagi farmonni imzoladi. Bu haqda Zamin.uz xabar berdi.
Oq uyda tashkil etilgan va to‘g‘ridan to‘g‘ri efir orqali namoyish etilgan marosim davomida davlat rahbari mazkur qaror AQSH hududi uchun zudlik bilan kuchga kirishini ma’lum qildi. Ushbu o‘zgarish mamlakatning geografik obektlarga bo‘lgan yondashuvida yangi bosqichni anglatishi ta’kidlandi.
Voqea joyida bo‘lgan jurnalistlar mazkur tashabbusning mohiyati hamda uning xalqaro miqyosdagi oqibatlari yuzasidan savollar bilan murojaat qilishdi. Hukumat vakillarining bildirishicha, ushbu nom o‘zgarishi milliy manfaatlar va ramziy ma’noga ega bo‘lib, ko‘lning Amerika hududidagi ahamiyatini yanada yorqinroq ifodalashga xizmat qiladi.
Hozirgi vaqtda rasmiy hujjatlar va xaritalarda ko‘lning nomini yangi shaklga moslashtirish bo‘yicha tegishli idoralar o‘z ishlarini boshlab yuborishgan. Ushbu qaror jamoatchilik va ekspertlar doirasida turli muhokamalarga sabab bo‘lmoqda.
Izohlar
0