AQSHning Vashington shtatida joylashgan Sietl shahri ma’muriyati O‘zbekiston davlat mustaqilligining 35 yilligini nishonlash maqsadida muhim qarorni qabul qildi. Bu haqda Zamin.uz xabar berdi.
Shahar meri Keti B. Uilson tomonidan imzolangan rasmiy proklamatsiyaga ko‘ra, 2026 yilning 1 sentyabr sanasi Sietl shahrida «O‘zbekiston Mustaqilligi kuni» sifatida belgilandi.
Ushbu hujjat ikki davlat o‘rtasidagi madaniy va diplomatik aloqalarni mustahkamlashga qaratilgan qadam sifatida baholanmoqda. Rasmiy hujjatda O‘zbekistonning o‘tgan 35 yillik suveren taraqqiyot yo‘li, mamlakatda amalga oshirilayotgan ijtimoiy-iqtisodiy islohotlar hamda xalqaro maydondagi nufuzi alohida e’tirof etilgan.
Shuningdek, mazkur qaror Sietl shahrida istiqomat qilayotgan o‘zbekistonlik vatandoshlarning jamiyat hayotidagi faol ishtiroki va ikki xalq o‘rtasidagi do‘stona munosabatlarni rivojlantirishdagi hissasini ham qamrab oladi. Sietl shahar hokimiyatining ushbu tashabbusi O‘zbekiston mustaqilligining xalqaro miqyosda keng nishonlanishi hamda ikki tomonlama hamkorlik aloqalarining yangi bosqichga ko‘tarilishiga xizmat qiladi.
Ushbu voqea O‘zbekiston va AQSH o‘rtasidagi gumanitar aloqalarning mustahkamlanib borayotganidan dalolat beradi.
Izohlar
0