6 sentyabrga o‘tar kechasi Rossiyaning Rostov viloyati hududida keng ko‘lamli va vayronkor havo hujumi qayd etildi. Bu haqda Zamin.uz xabar berdi.
Rasmiy ma’lumotlarga ko‘ra, mintaqa osmonida havo hujumidan mudofaa tizimlari tomonidan 30 ga yaqin uchuvchisiz uchar apparat zararsizlantirilgan. Shunga qaramay, hujum oqibatlari Rostov-na-Donu shahrining turar-joy massivlarida jiddiy talofatlarni keltirib chiqardi.
Xususan, dron qoldiqlarining qulashi yoki portlash to‘lqini natijasida bir nechta ko‘p qavatli uylarning yuqori qavatlari va tomlari qulab tushdi. Mahalliy aholi o‘rtasida vahima kuzatilgan bo‘lib, uy-joy fondiga yetkazilgan zarar ko‘lami hozirda mutaxassislar tomonidan baholanmoqda.
Favqulodda vaziyatlar xizmati xodimlari voqea joyiga safarbar etilib, vayronagarchiliklarni bartaraf etish va aholi xavfsizligini ta’minlash choralarini ko‘rishmoqda. Hozircha jabrlanganlar soni va moddiy zararning aniq miqdori bo‘yicha rasmiy idoralar tomonidan qo‘shimcha ma’lumotlar kutilmoqda.
Hududda xavfsizlik choralari kuchaytirilgan bo‘lib, tergov-surishtiruv ishlari davom etmoqda.
Izohlar
0