Saudiya Arabistoni valiahd shahzodasi va bosh vaziri Muhammad bin Salmon Ol Saud mintaqadagi xavfsizlik sharoitlarini inobatga olgan holda o‘z ish tartibini o‘zgartirishga majbur bo‘ldi. Bu haqda Zamin.uz xabar berdi.
Xususan, husiylar tomonidan yuzaga kelayotgan tahdidlar fonida, mamlakat rahbari o‘ta qattiq qo‘riqlanadigan hamda yer osti bunkerlari bilan ta’minlangan qarorgohlar o‘rtasida doimiy harakatlanish rejimiga o‘tdi. The Wall Street Journal nashrining qayd etishicha, mazkur choralar davlat rahbarining shaxsiy xavfsizligini ta’minlash maqsadida ko‘rilgan.
Shu maqsadda qirollikning maxsus tanlab olingan elita xavfsizlik bo‘linmalari jalb etilgan bo‘lib, ular shahzodaning barcha harakatlarini nazorat qilmoqda. Ushbu o‘zgarishlar Saudiya Arabistoni hukumatining yuqori martabali vakillariga nisbatan xavf-xatarlar ortib borayotganini ko‘rsatadi.
Hozirgi vaziyatda Muhammad bin Salmonning xavfsizligi davlat xavfsizlik organlari uchun ustuvor vazifa sifatida belgilangan va bu boradagi himoya choralari yanada kuchaytirilgan.
Izohlar
0