Argentinalik taniqli futbolchi, sakkiz karra Oltin to‘p sovrindori Lionel Messi Ispaniya qiroli Felipe VI va qirolicha Letisiya mezbonlik qiladigan rasmiy kechki ovqatda ishtirok etadi. Bu haqda Zamin.uz xabar berdi.
Bu haqda Marca nashri o‘z manbalariga tayanib xabar bermoqda. Mazkur tashrifning asosiy sababi Messi 2026 yilgi Asturiya malikasi nomidagi nufuzli sport mukofotini qabul qilib olishi bilan bog‘liqdir.
Rejaga ko‘ra, sportchi 22 oktyabr kuni Ispaniyaning Ovedo shahriga yetib borishi kutilmoqda. Tashrif doirasida Messi nafaqat rasmiy qabulda qatnashadi, balki mukofotni topshirish marosimiga oid qator tadbirlarda ham ishtirok etadi.
Ovedo shahridagi ushbu muhim voqea sport olamida katta qiziqish bilan kutilmoqda. Messi o‘zining boy faoliyati davomida ko‘plab xalqaro e’tiroflarga sazovor bo‘lgan bo‘lsa-da, mazkur mukofot sportchining Ispaniyadagi faoliyati va merosini yana bir bor tasdiqlash uchun xizmat qiladi.
Tashkilotchilar futbolchining tashrifi uchun barcha tayyorgarlik ishlarini yakunlab bormoqda.
Izohlar
0