Kolumbiyaning Tinch okeani sohilida ro‘y bergan tabiat hodisasi natijasida uzunligi qariyb 6 metrni tashkil etuvchi ulkan kit akulasi nobud bo‘ldi. Bu haqda Zamin.uz xabar berdi.
Dunyodagi eng yirik baliq turi hisoblangan Rhincodon typus vakili 30 sentyabr, chorshanba kuni ertalab Nabuga hududidagi olis sohil qirg‘og‘ida harakatsiz holda topilgan. Mutaxassislar tomonidan o‘lchangan ma’lumotlarga ko‘ra, jonivorning uzunligi 20 futga teng bo‘lib, bu ko‘rsatkich kichikroq hajmdagi qayiq o‘lchamiga qiyoslanadi.
Mahalliy aholi va tabiatni muhofaza qilish vakillari dengiz jonivori qirg‘oqqa chiqib qolgan vaqtda u allaqachon hayotdan ko‘z yumganligini ma’lum qilgan. Hozircha mazkur holatning aniq sabablari o‘rganilmoqda.
Kit akulalarining ochiq okean suvlaridan qirg‘oqqa yaqinlashishi va sayozlikda qolib ketishi kamdan-kam kuzatiladigan holat sanaladi. Mazkur hodisa mintaqa ekotizimi uchun jiddiy yo‘qotish sifatida baholanmoqda.
Tegishli idoralar vakillari voqea joyiga yetib borib, tahlil ishlarini boshlagan va jonivorning o‘limiga nima sabab bo‘lganini aniqlashga harakat qilmoqda.
Izohlar
0