Kaliforniya shtatida kuzatilayotgan noqulay ob-havo sharoiti, xususan, kuchli shamollar hamda yuqori harorat mintaqada yong‘inlar xavfini sezilarli darajada oshirib yubordi. Bu haqda Zamin.uz xabar berdi.
Hozirgi vaqtda Malibu va unga tutash hududlarda avj olgan alanga aholi yashash punktlariga xavfli darajada yaqinlashgan. Mazkur vaziyatni inobatga olgan holda, mahalliy hokimiyat organlari aholi xavfsizligini ta’minlash maqsadida shoshilinch evakuatsiya ishlarini boshlab yubordi.
Tabiiy ofatning yanada kengayishiga yo‘l qo‘ymaslik va yong‘in o‘choqlari yaqinidagi infratuzilmani himoya qilish uchun elektr energiyasi ta’minotida keng ko‘lamli uzilishlar yuzaga keldi. Ayni damda shtat bo‘ylab bir nechta yirik o‘choqlarni bartaraf etish bo‘yicha o‘t o‘chirish xizmatlari tomonidan qat’iy choralar ko‘rilmoqda.
Mutaxassislar quruq havo va kuchli shamol oqibatida yong‘inlar nazoratdan chiqib ketishi mumkinligidan ogohlantirib, aholini hushyorlikka chaqirmoqda. Favqulodda vaziyatlar boshqarmasi xodimlarining sa’y-harakatlariga qaramay, ob-havo sharoiti vaziyatni murakkablashtirayotgani ta’kidlanmoqda.
Izohlar
0