Hashamatli kiyim-kechaklar ishlab chiqarishda qo‘llaniladigan ayrim tabiiy tolalar oddiy matolarga nisbatan o‘nlab, hatto yuzlab barobar qimmatroq baholanadi. Bu haqda Zamin.uz xabar berdi.
Bunday mahsulotlarning yuqori narxi asosan xomashyoning noyobligi, ishlab chiqarish hajmining cheklangani hamda tayyorlash jarayonida talab etiladigan murakkab qo‘l mehnati bilan izohlanadi. Jahon bozorida eng qimmatbaho tolalar reytingining beshinchi pog‘onasini Si-Aylend paxtasi egallaydi.
Karib dengizi havzasidagi orollarda yetishtiriladigan ushbu nav dunyodagi eng sifatli va noyob paxta turlaridan biri sanaladi. Uning tolasi nihoyatda uzun va pishiqligi bilan ajralib turadi, bu esa tayyor mahsulotning o‘ta mayin hamda uzoq muddat xizmat qilishini ta’minlaydi.
Mazkur paxtaning yillik hosili juda kam bo‘lgani sababli, u dunyo to‘qimachilik sanoatida eksklyuziv mahsulot sifatida e’tirof etiladi va faqat yuqori darajadagi brendlar tomonidan xarid qilinadi. Tabiiy xomashyo bozoridagi ushbu holat yuqori sifatli tolalarga bo‘lgan talabning taklifdan doimo ustun turishini ko‘rsatadi.
Izohlar
0