Afg‘onistonning Uruzgon viloyati istiqomat qiluvchi 57 yoshli Muhammad Sodiq o‘ziga xos oilaviy rekordi bilan e’tiborni tortmoqda. Bu haqda Zamin.uz xabar berdi.
U to‘rt nafar turmush o‘rtog‘idan jami 58 nafar farzand ko‘rgan. Katta oila boshlig‘i uchun o‘z farzandlarini zarur oziq-ovqat mahsulotlari bilan ta’minlash hamda ularning sifatli ta’lim olishi uchun munosib sharoit yaratish jiddiy moliyaviy qiyinchiliklarni keltirib chiqarmoqda.
BBC axborot agentligi tarqatgan xabarga ko‘ra, Muhammad Sodiq hozirgi kunda avtomobil savdosi bilan shug‘ullanuvchi korxonada mehnat qiladi. Uning ta’kidlashicha, oila daromadi asosan sotilgan transport vositalaridan tushadigan foydaga bog‘liq.
Biroq, bunday ko‘p sonli farzandlarning kundalik ehtiyojlarini qondirish uchun mavjud daromad manbalari yetarli bo‘lmayapti. Ko‘p bolali ota uchun o‘z oilasini moddiy jihatdan barqaror saqlash va farzandlarining kelajagi uchun zamin yaratish tobora murakkablashib borayotgan dolzarb muammoga aylangan.
Hozirgi sharoitda u o‘z vazifasini bajarishda jiddiy to‘siqlarga duch kelmoqda.
Izohlar
0